អត្ថប្រយោជន៍ទាំង៤ នៃការព្យាករណ៍ទុកជាមុនក្នុងការជ្រើសរើស បុគ្គលិកដោយប្រើ DISC

     ការជ្រើសបុគ្គលិកជាធម្មតាគឺជាការងារមួយដែលអ្នកគ្រប់គ្រងមិនចូលចិត្តក្នុងការធ្វើ។ បើទោះជាអ្នកជាប្រធាន ឬអ្នកគ្រប់គ្រងជាអាជីវកម្មល្អក៏ដោយ ក៏មិនមែនមានន័យថាអ្នកមានភាពច្បាស់លាស់ក្នុងការជ្រើសរើសឲ្យត្រូវបុគ្គលិកការងារថ្មីនោះដែរ។​ ភាពលំអៀងផ្ទាល់ខ្លួនអាចកើតមានឡើង ហើយចំណុចខ្សោយរបស់អ្នកអាចឲ្យលទ្ធផលដែលមិនសមស្របជាមួយក្រុមរបស់អ្នកនិងអាជីវកម្មរបស់អ្នក។​ ដូច្នេះហើយ​ តើអ្នកគ្រប់គ្រងមានតួនាទីធ្វើអ្វី? អ្នកបានផ្សព្វផ្សាយអំពីមុខតំណែង និងទទួលបានប្រវត្តិរូបនៃការដាក់ពាក្យការងារជាច្រើនលើសលុប​ ដូច្នេះតើអ្នកគួរចាប់ផ្តើម​ ដោយវិធីណា? នេះគឺជាគន្លឹះទាំង៤ដែលអ្នកអាចប្រើប្រាស់នូវឥទ្ធិពលរបស់ DISC​ ដើម្បីធ្វើឲ្យមានភាពងាយស្រួលក្នុងដំណើរការជ្រើសរើសដើម្បីឲ្យមានភាពងាយស្រួល ឆាប់រហ័ស និងច្បាស់លាស់។ 

    1.   ធ្វើការបង្រួមនូវគំនរនៃសំណុំប្រវតិ្តរូបការងារ 

     អ្នកមិនអាចដឹងច្បាស់លាស់អំពីបុគ្គលម្នាក់ដោយយោងទៅតាមប្រវត្តិរូបការងាររបស់គេនោះទេ។ ទាំងនោះគឺគ្រាន់តែជាក្រដាសមួយសន្លឹកដែលផ្តោតទៅលើជំនាញ ចំណេះដឹង​ និងការងារពីមុនមកតែប៉ុណ្ណោះ។​ ព័ត៌មានទាំងនោះគឺមានសារៈសំខាន់ ប៉ុន្តែវាមិនបានបង្ហាញអំពីលក្ខណៈសំខាន់ៗដែលអ្នកចង់ស្វែងរកបុគ្គលនីមួយៗនោះទេ។​ អ្នកអាចគ្រប់គ្រងទៅលើការវាយតម្លៃផ្ទាល់ខ្លួនដោយប្រើ DISC ទៅកាន់អ្នកដែលបានដាក់ពាក្យ តាមរយៈលីងដែលផ្ញើទៅកាន់ពួកគេតាមអ៊ីម៉ែល។​ ដោយសារតែមិនមានចម្លើយខុស ឬត្រូវ បេក្ខជនទាំងអស់អាចបំពេញនូវការវាយតម្លៃតាមប្រព័ន្ធអេឡិចត្រូនិចផ្សេងៗ បានពិនិត្យពាក្យការងារ និងធ្វើការសម្ភាស។ អាស្រ័យទៅលើតម្រូវការនៃការងារនីមួយៗ ព្រមទាំងលទ្ធផល DISC អាចឲ្យអ្នកធ្វើការសម្រេចថាតើត្រូវនាំយកបុគ្គលបែបណាដើម្បីមកជួបសម្ភាស រួមជាមួយនឹង ការគោរពពេលវេលា មានមហិច្ចតា ក៏ដូចជាមានគំនិតផ្តួចផ្តើម និងការចុះសម្រុងគ្នា។ត្រូវចងចាំថាការវិនិយោគរបស់អ្នកគឺមិនមែនជាការខ្ជះខ្ជាយទៅលើបេក្ខជនដែលមិនសាកសមនឹងមុខតំណែងនោះទេ។​ អ្នកអាចរក្សាទុកនូវការវាយតម្លៃទាំងនោះ និងធ្វើការដាក់ស្នើរគោលការណ៍ទាំងអស់នោះទៅក្នុងមុខតំណែងផ្សេងៗទៀតដែលអាចនឹងសាកសមជាមួយនឹងបុគ្គលិកលក្ខណៈរបស់បេក្ខជននោះជាង

       2.   ធ្វើឲ្យការដំណើរការសម្ភាសន៍មានភាពសាមញ្ញ 

    ជំនួសក្នុងការឲ្យបេក្ខជនហាត់សមនៅក្នុងកំឡុងពេលសម្ភាសន៍ និងទាមទារឲ្យពួកគេប្រាប់អ្នកអំពីចរិតលក្ខណៈរបស់ពួកគេថែមទៀតនោះ របាយការណ៍អំពីអាកប្បកិរិយាបុគ្គលិករបស់ DISC នឹងផ្តល់ឲ្យអ្នកនូវព័ត៌មានសំខាន់ៗនៃបេក្ខជន ដូច្នេះហើយអាចធ្វើការសួរសំណួរលម្អិតទាក់ទងនឹងសមត្ថភាព ក៏ដូចជាចំណុចខ្សោយដែលអ្នកគិតថានឹងមិនមាន ប្រសិនបើចំណុចទាំងនោះមានភាពចាំបាច់សម្រាប់មុខតំណែងដែលអ្នកជ្រើសរើស។ ឧទាហរណ៍ ប្រសិន បើអ្នកធ្វើការសម្ភាសន៍បុគ្គល D ក្នុងមុខតំណែងសេវាកម្មអតិថិជន អ្នកនឹងអាចធ្វើការសាកសួរកាន់តែស៊ីជម្រៅជាមួយសំណួររបស់អ្នកថាតើបុគ្គលនោះមានការយល់ដឹង នឹងមានការជំរុញក្នុងការជួយអ្នកដទៃនៅក្នុងការងារនេះដែរឬយ៉ាងណា?

 3.   កំណត់ប្រភេទបុគ្គលិកលក្ខណៈដែលធ្វើការបំពេញបន្ថែមដល់ក្រុមការងាររបស់អ្នក

     DISC បូករួមជាមួយការវាស់ស្ទង់អាកប្បកិរិយា អាចផ្តល់នូវព័ត៌មានគន្លឹះទាំងក្នុងផ្នែកបុគ្គលិកលក្ខណៈរបស់បេក្ខជន និងឥរិយាបទរបស់ពួកគេ បែបបទនៃការគិត តួនាទីក្រុមគុណតម្លៃនៃកន្លែងការងារ បែបបទនៃការសិក្សា បែបបទនៃការយល់ដឹង និងបែបបទនៃការលើកទឹកចិត្ត។​ នេះក៏ព្រោះ DISC​ ធ្វើការវាស់ស្ទង់ពីអាកប្បកិរិយាធម្មជាតិ និងទំនោរនៃបុគ្គលិកលក្ខណៈ។ វាអាចជួយឲ្យយើងយល់កាន់តែច្បាស់ ថាតើមនុស្សនឹងសម្តែងចេញនូវសកម្មភាពបែបណា និងធ្វើការឆ្លើយតបយ៉ាងណានៅក្នុងស្ថានភាពនីមួយៗ។ ជំនាញក្នុងការធ្វើ (ជំនាញរឹង) មានសារៈសំខាន់សម្រាប់ការងារដែលមានភាពងាយស្រួលក្នុងការបង្រៀនបុគ្គលិកថ្មី ក៏ប៉ុន្តែអាកប្បកិរិយាមានភាពលំបាកក្នុងការផ្លាស់ប្តូរ។ ឧបករណ៍ក្នុងការវាយតម្លៃ DISC មានប្រសិទ្ធភាពខ្ពស់ក្នុងការប៉ានស្មានផ្នែកជំនាញទន់ដែលផ្តោតទៅលើ ថាតើបុគ្គលិកនឹងធ្វើការទំនាក់ទំនងបែបណាជាមួយអ្នកដទៃ និងការធ្វើគម្រោងនេះគឺជាព័ត៌មានដ៏សំខាន់ដែលត្រូវមាននៅពេលធ្វើការជ្រើសរើសបុគ្គលិកថ្មី។ ដើម្បីទទួលបាននូវតម្លៃដ៏ប្រសើរពីតេស្តនៃការជ្រើសរើសទុកជាមុនរបស់ DISC មុនដំបូង គឺត្រូវធ្វើការគ្រប់គ្រងនិយោជិតទាំងនេះអាចនឹងផ្តល់នូវគំនិតនៃកម្លាំងចិត្តផ្នែកបុគ្គលិកលក្ខណៈដល់សមាជិកក្រុមការងាររបស់អ្នក និងចំណុចដែលសមាជិកក្រុមត្រូវការការពង្រឹងបន្ថែម។​ ឧទាហរណ៍ប្រសិនបើក្រុមរបស់អ្នកគឺពោរពេញទៅដោយបុគ្គលិកលក្ខណៈ D ខ្ពស់ អ្នកប្រហែលជាត្រូវជ្រើសរើសនូវបុគ្គលិកលក្ខណៈ S ខ្ពស់ដើម្បីធ្វើឲ្យមានសមតុល្យភាពជាមួយពួកគេ។ ឬក៏សមាជិកក្រុមរបស់អ្នកគឺពោរពេញទៅដោយបុគ្គលិកលក្ខណៈ I ខ្ពស់នោះអ្នកប្រហែលជាត្រូវធ្វើការជ្រើសរើសនូវបុគ្គលិកលក្ចណៈ C ខ្ពស់ដើម្បីធ្វើឲ្យមានសមតុល្យភាពជាមួយពួកគេបាន។

     4.     កាត់បន្ថយការផ្លាស់ប្តូរបុគ្គលិកដោយធ្វើការជ្រើសរើសនូវបុគ្គលដ៏សមស្របនៅពេលដំបូង

    ក្នុងការស្វែងរក និងជ្រើសរើសបុគ្គលិកដែលមានទំនោរធម្មជាតិល្អឥតខ្ជោះសាកសមជាមួយនឹងមុខតំណែង និងក្រុមរបស់អ្នក មិនត្រឹមតែនឹងធ្វើឲ្យអ្នកមានភាពសោមន្សរីករាយជាងមុន មានការជំរុញលើកទឹកចិត្តជាងមុន និងទទួលបាននូវបុគ្គលិកសកម្មជារួមនោះទេ ថែមទាំងអាចធ្វើឲ្យបុគ្គលិកធ្វើការងារនៅក្នុងក្រុមហ៊ុនរបស់អ្នក និងកាន់តំណែងរបស់ពួកគេបានយូរអង្វែងទៀតផង។ ទាំងនេះត្រូវបានកំណត់មកថាជាធម្មតាការចំណាយជាមធ្យមក្នុងការផ្លាស់ប្តូរបុគ្គលិកថ្មីគឺ 25%-250% នៃប្រាក់បៀវត្សរ៍ដើមរបស់បុគ្គលិក។ ដូច្នេះហើយ ការគ្រប់គ្រងនូវតេស្តតាមប្រព័ន្ធអេឡិចត្រូនិចដ៏សាមញ្ញមួយនេះ អាចជួយក្នុងការកាត់បន្ថយបញ្ហាទាំងនេះដោយមានប្រសិទ្ធភាព។

 

យោងឯកសារ៖ discinsights